Emri tregtar i këtyre produkteve është Styrodekore (Sisteme dekorative). Styrodekoret janë elementë përbërës të fasadës dhe përdoren njëkohësisht për dekoracion dhe termoizolim. Këto panele termoizoluese dekorative bëjnë të mundur krijimin e stileve të ndryshme për fasadat e ndërtesave, sipas preferencave të klientit.
Për prodhimin e Styrodekoreve përdoret polisterol me veti mekanike të posaçme, i cili vishet me një shtresë materiali që përdoret posaçërisht për prodhimin e këtyre profileve. Styrodekoret nuk ofrojnë vetëm një stil arkitekturor sipas preferencave të çdo klienti, por realizojnë njëkohësisht edhe izolim termik, pasi prodhohen me polisterol termoizolues.
Produktet Styrodekor krijojnë mundësi të mëdha për dekorimin, rinovimin e fasadave të ndërtesave të reja dhe ekzistuese në një kohë shumë të shkurtër. Gjithashtu këto panele dekorative bëjnë të mundur realizimin e çdo stli për arkitekturën e çdo ndërtese duke e kthyer ndërtesën në një objekt me shumë vlera arti. Këto produkte montohen direkt në fasade pa pasur nevojë për materiale të tjera shtesë.